Shtyrjen e datës së zgjedhjeve përtej 30 qershorit, analistët e shohin më se të realizueshme. Aleksandër Çipa dhe Gentian Gaba të ftuar në Ora Neës shprehen se vendi është në krizë institucionale dhe nuk do ishte ndonjë mëkat shtyrja e datës kalendarike të Lokaleve.
Aleksandër Çipa:”Është e mundur sepse ne e dimë që në praktikën politike shpesh herë janë shtyrë datat kalendarike të parashikuara nga Kushtetuta. Kjo nuk është gjë e re në jetën dhe ndërgjegjën e politikbërësve shqiptarë. Sot kemi një situatë që e ka problematizuar funksionimin e institucioneve kushtetuese të vendit. Përderisa mbetet në fuqi kjo shkelje e rëndë e kushtetutshmërisë dhe Kushtetutës së vendit nuk shton asgjë dhe nuk pakëson asgjë nëse shtyhet edhe një datë kalendarike”.
Ndërsa Gentian Gaba thotë: “Ka ndodhur tre herë. Meqenëse jemi para zgjedhjeve vendore, 2007 na kujton që kjo ka ndodhur dhe nuk është ndonjë mëkat të ndodhë sërish. Problemi është sesi përsëritjet e mëparshme të kthehen në mësime për të ardhmen, të thyejmë një rreth vicioz që kjo krizë që troket me sirenat e së shkuarës të jetë kriza që i merr me vete të gjitha”.