Një bandë kriminale shqiptare e kanabisit është goditur në Angli, duke vënë në pranga 6 persona
Mediat e huaja bëjnë me dije se oficerët gjurmuan makinën nga North Yorkshire në Hertfordshire, ku gjetën kanabisin me vlerë 300,000 paund.
Të arrestuarit në këtë operacion janë, Visar Sellaj, 33 vjeç, nga Newnham Road, Londër u burgos për gjashtë vjet e nëntë muaj, që njihej dhe si kreu i bandës, Kujtim Brahaj, 50 vjeç, nga Wellington Road, Enfield, u burgos për tre vjet e dy muaj, Indrit Brahaj, 27 vjeç, nga Whitings Road, Barnet u burgos për katër vjet e katër muaj, Bledar Elezaj, 36 vjeç, pa adresë fikse, u burgos për tre vjet, Erblin Elezaj, 33 vjeç, gjithashtu pa adresë të caktuar, u burgos për pesë vjet e dy muaj dhe Andi Kokaj, 23 vjeç, pa adresë fikse, u burgos për tre vjet.
Të gjashtë u deklaruan fajtorë për shqetësim në prodhimin e kanabisit dhe Indrit Brahaj, Kokaj, Sellaj dhe Erblin Elezaj gjithashtu u deklaruan fajtorë për posedim kanabisi me qëllim furnizimi.
Ndër të tjera mësohet se në shtëpitë e barit në tre ndërtesa të ndryshme në Harrogate të North Yorkshire u gjet kanabis me vlerë 240,000 paund.
Gjashtë persona janë burgosur në Leeds Crown Court pasi u deklaruan fajtorë për prodhimin e kanabisit.
Ndërkohë Yoko Banks, 73 vjeç, pronarja e fermës që ata përdorën, gjithashtu përfundoi në burg. Autoritetet britanike pas zbulimit të kësaj shtëpie bari janë vënë në kërkim të ndërtesave të tjera të shndërruara në sera për prodhim kanabisi.
Policia e North Yorkshire tha se shtëpitë ia ishin dhënë me qira një pale të tretë, e cila më pas i kishte lënë ato në kontrollin e bandës.
Etiketa: Angli, kapen shqiptaret, Shtepi bari
