Një i ri shqiptar ka ndërruar jetë në Britaninë e Madhe pas plagëve të marra pas një përleshje me thika
Sipas mediave angleze, i riu shqiptar që tragjikisht humbi jetën quhet Armend Xhika dhe ishte vetëm 22 vjeç. Ai u godit me thikë gjatë një sherri në Earl Marshal Road, Burngreave, mëngjesin e së enjtes, 13 maj.
Xhika u dërgua në Spitalin e Përgjithshëm të Veriut me plagë të rënda, ku dhe fatkeqësisht humbi jetën.
Sot, Policia e Jorkshirit Jugor ka mundur të identifikojë viktimën ndërsa vazhdon të apelojë që dëshmitarët të paraqiten.
Sherri i dhunshëm u raportua nga banorët e zonës në rrugën afër Kirton, Pitsmoor. Nga sherri një 20-vjeçar tjetër mbeti i plagosur. Ndërsa një 30-vjeçar u arrestua nën akuzën e vrasjes por më pas është vënë nën hetim në gjendje të lirë.
Në pranga po ashtu ka rënë një tjetër i ri rreth 20 vjeç i cili akuzohet për plagosje të rëndë po ashtu edhe një vajze iu vunë prangat nën akuzën se ka ndihmuar autorin e plagosjes.
