Aktualitet

Anija “Vlora”, Basha publikon videon: 30 vite më vonë eksodi vijon














Bëni LIKE faqen zyrtare në Facebook
               Publikuar në : 15:29 - 08/08/21 |
mapo.al

Kryedemokrati Lulzim Basha ka publikuar videon e anijes “Vlora” e cila 30 vite më parë transportoi në brigjet e Italisë, 20 mijë shqiptarë. 






Lideri i opozitës thotë se eksodi i shqiptarëve vijon edhe sot prej diktaturës së korrupsionit.


PD do luftojë që t’u kthejë shqiptarëve të drejtën për të jetuar një jetë të plotë dhe të lirë këtu, pranë familjeve të tyre”, shprehet Basha.










“30 vite më parë, 20 mijë shqiptarë mbërritën në brigjet e Italisë me anijen “Vlora”, në përpjekje për të lënë pas vuajtjet dhe tragjedinë që regjimi totalitar i kishte shkaktuar vendit. Fatkeqësisht, eksodi i shqiptarëve vijon, i heshtur dhe i dhimbshëm, prej diktaturës së korrupsionit, që vret njësoj shpresat për një të ardhme më të mirë, këtu, në tokën tonë.



Lëvizja e lirë ka fshehur nga sytë pamjet rrënqethëse të dikurshme por largimi masiv, sidomos i të rinjve, njerëzve të kualifikuar, intelektualëve, lexohet te shifrat e frikshme të shqiptarëve që kanë kërkuar azil përgjatë viteve të fundit. Lexohet në sytë e përlotur të nënave që kanë larg bijtë dhe bijat e tyre, apo sepse po përgatiten për të marrë rrugët e botës, pasi keqqeverisja po i mban larg Europës dhe një jete më të mirë.

Që kjo plagë të marrë fund, që shqiptarët të gëzojnë frytet e çdo gjëje të mrekullueshme që Zoti i ka falur vendit tonë, duhet ndëshkuar modeli korruptiv dhe kriminal i ndërtuar nga ky regjim dhe duhet zhbërë kapja e shtetit që pasuron një pakicë, ndërsa lë në varfëri shumicën e qytetarëve.

Përkundër masakrës zgjedhore, qytetarët mbështetën planet dhe vizionin e Partisë Demokratike, ndaj ne do të luftojmë me gjithë forcën që na dhanë njerëzit në 25 prill, që t’u kthejmë shumicës së shqiptarëve të drejtën për të jetuar një jetë të plotë dhe të lirë për realizimin e aspiratave të tyre këtu, pranë familjeve dhe miqve të tyre”, thekson kreu i PD, Lulzim Basha në një postim në rrjetet sociale.

1


Etiketa: , , , ,

CLOSE
CLOSE
Pas