Gjykata e Apelit të Tiranës la në fuqi sot vendimin e shkallës së parë për Adriatik Llallën, duke e dënuar përfundimisht me dy vite burg.
Dënimi i Llallës është i formës së prerë dhe atij ndalohet me 5 vite edhe emërimi apo marrja e detyrave në funksione publike.
Gjithashtu, vendimi i Gjykatës së Apelit përcakton se disa pasuri të ish-kryeprokurorit sekuestrohen dhe i kalojnë shtetit. Llalla akuzohej për mosdeklarim të të hollave në kufi dhe fshehje pasurie.
Mirëpo, teksa gjyqësori ka dhënë verdiktin e tij dhe Llalla duhet të vuajë 2 vite burg, ish-kryeprokurori mësohet se është larguar nga Shqipëria.
Avokati mbrojtës, Sokol Hazizaj tha më herët se Llalla është në regjim spitalor, por ka dhënë informacione të mëtejshme se ku ndodhej ai.
Burime policore bëjnë të ditur se Llalla ka ikur në drejtim të Turqisë, ku mendohet se fshihet, por nuk përjashtohet mundësia që të jetë larguar në një shtet të BE.
