Kryesore

Gjykata liron Agim Kajmakun, me kërkesë të prokurores Arta Marku





Bëni LIKE faqen zyrtare në Facebook
               Publikuar në : 15:12 - 08/07/20 |
mapo.al

Vetëm 24 orë në qeli. Gjykata e Apelit të Tiranës ka vendosur masën e sigurisë “Detyrim paraqitje” për ish-kryetarin të bashkisë së Vorës, Agim Kajmaku.


Prokuroja e çështjes Arta Marku ka kërkuar zbutjen e masës së sigurisë për shkak të rrethanave. Mësohet se shkak për kërkesën e prokurores ka qenë gjendja shëndetësore e Kajmakut, por edhe për shkak se hetimet ndaj tij janë mbyllur dhe çështja ndodhet në fazë gjykimi.


Prokuroria nuk ka marrë parasysh faktin që Kajmaku qëndroi rreth një vit në arrati, duke iu fshehur drejtësisë.


Ai u arrestua ditën e djeshme në ambientet e një spitali privat, ku kishte shkuar për të marrë kurim, pasi vuante nga diabeti dhe sëmundjet e zemrës.


Ish-kryebashkiaku i Vorës u shpall në kërkim në kërkim nga policia në nëntor të vitit të kaluar, ndërsa u shkarkua nga Komisioni Qendror i Zgjedhjeve pasi u denoncua nga PD se kishte fshehur në formularin e dekriminalizimit, dënimin në shtetin grek, për falsifikim dokumentesh.

Fillimisht kjo u mohua prej tij, por më pas u vërtetua nga prokuroria e Tiranës përmes një letër-porosie dërguar autoriteteve greke se ai ishte në kërkim në 2003 për falsifikim të kartëmonedhave dhe nuk ishte arrestuar pasi kishte ikur në Shqipëri. Pikërisht fshehja e këtij fakti çoi në shkarkimin e tij dhe nisjen e hetimeve.

Prokuroria firmosi urdhër-arrestin për Kajmakun më 11 nëntor të vitit të kaluar por që atëherë Kajmaku nuk u duk më, duke i shpëtuar për muaj me radhë uniformave blu. Kajmaku u zgjodh në krye të Bashkisë së Vorës ne zgjedhjet e 30 qershorit të vitit të kaluar, ndërsa që prej nëntorit të 2019 ishte në arrati.


Etiketa: , , , ,

Pas