Këngëtari dhe moderatori Kastro Zizo ka shprehur revoltën e tij ndaj të gjithë atyre personave të njohur që kanë shkruar së fundmi libra. Në një postim në rrjetin social “Instagram”, Zizo thotë se çdokush mund të nxjerrë njëherë në vit një libër, pikërisht për shkak të një sistemi të dështuar, që funksionon në bazë të qarkullimit të parasë.
“Si t’i q…ropt muhabetit! Romani i parë që të orienton se si duhet të kesh 50 mënyra për t’i q…ropt muhabetit! Ka qenë dikur tregu muzikor si puna e gjetheve; shiteshin kur mbaronin mbarëzimin apo pjelljen…në verë kur vinin emigrantët dhe në dimër kur emigrantët kërkonin ngrohtësi…Të gjithë donin të blinin diçka dhe ajo ishte muzika e nxjerrë nëpër kaseta të prodhuara nëpër bodrume gjysmë bullgare. Kohët kanë evoluar dhe tashmë jemi intelektualë! Të gjithë kanë mundësinë të nxjerrin njëherë në vit një libër të tyrin. Por tashmë, në vjeshtë, kur gjethet bien në heshtje nga maskarallëku i çdo pordhe që do të quhet intelektual Zhabe, nga pellgjet e rrënuara të një sistemi maskara që s’ka ledhe e drita, por vetëm blerje dhe shitje! Ta gëzoni “Panairin e Librit”! T’fala! #edheunëmundtëshkruajnjëlibër”-ka shkruar në nota ironie Kastro Zizo.
Risjellim në vëmendje se ndër personat e njohur që kanë shkruar një libër këtë vit është moderatorja Arbana Osmani, modelja Angela Martini dhe gazetarja Iva Tiço.
