Aktualitet

Argjentina shkon në finalen e Copa America, e pret Brazili, duel Messi-Neymar














Bëni LIKE faqen zyrtare në Facebook
               Publikuar në : 09:25 - 07/07/21 |
mapo.al

Argjentina në finale të Copa America, ku e pret Brazili kampion në fuqi. Skuadra e Lionel Scaloni ia ka dalë pas gjuajtjes së penalltive, me portierin Emiliano Martinez që ishte hero duke ndalur tre gjuajtje të lojtarëve të Kolumbisë.






90 minutat e ndeshjes ishin mbyllur në barazim 1-1 dhe dueli ishte mjaft i fortë. Argjentina e nisi mirë sfidën, me Messin që u tregua fantastik në organizimin e aksioneve sulmues. Në rastin e parë Lautaro u ndal nga portieri i Kolumbisë, por ky i fundit u dorëzua në minutën e shtatë pas asistit të Messit.


Goleadori i Interit e çoi topin në rrjetë dhe në vazhdim kolumbianët treguan se nuk ishin dorëzuar dhe rrezikuan menjëherë me Cuadradon në kërkim të golit të barazimit. Barrios më pas goditi shtyllën, kurse Yerri Mina traversën. Në fraksionin e parë të lojës Argjentina iu afrua golit të barazimit me Gonzales, pas një goditje këndi.







Ndërkohë që në të dytën përpjekjet e Kolumbisë u konkretizuan me një gol të shënuar nga Diaz në mënyrë fantastike në minutën e 61 të takimit. Argjentina u kundërpërgjigj dhe Messin e ndali shtylla. Me barazim 1-1 në 90 minuta skuadrat duhet të gjuanin penalltitë për të caktuar ekipin finalist.




Nga Argjentina gaboi vetëm De Paul, që gjuajti mbi tra, kurse Messi, Paredes dhe Lautaro Martinez nuk falën. Heroi ishte Emiliano Martinez, portieri që luan në Angli me Aston Villa, i cili nuk lejoi Sanchez, Mina dhe Cardona të shënonin dhe Brazili me rezultatin 3-2 fitoi dhe siguroi finalen, me dëshirën për të fituar për të 15-n herë Copa America.



1


Etiketa: , , ,

Pas