Banorët armenë po djegin shtëpitë e tyre. Ata kanë boshatisur godinat duke marrë sendet e nevojshme dhe u kanë vënë flakën menjëherë.
Arsyeja pas këtij veprimi është e thjeshtë: të mos bien në duart e azerëve.
Në 9 nëntor, Rusia, Armenia dhe Azerbajxhani ranë dakord për një armëpushim, duke ndërprerë luftimet e armatosura në Naghiri-Karabak. Si rrjedhojë e kësaj marrëveshjeje, Azerbajxhani fitoi kontrollin mbi disa territore që përfshijnë dhe qytetin Karvachar.
Një manastir i shekullit të 13-të, i shenjtë për armenët, do të dorëzohet gjithashtu si pjesë e marrëveshjes.
Për banorët e rajonit, shkatërrimi dhe humbja janë gjëra me të cilat ata janë tepër të njohur.
Në vitet 1990 nisi një luftë e përgjakshme midis Armenisë dhe Azerbajxhanit mbi territorin e Naghiri-Karabak, duke pretenduar të dyja palët për pronësi. Kështu, vendet gjenden në një cikël dhune që prej asaj kohe.
Për armenët, nënshkrimi i asaj marrëveshjeje mund ta ketë ndalur luftën, por nuk është e mjaftueshme për të sjellë paqe. Ata protestuan ashpër duke mësyrë dhe në parlament, megjithatë marrëveshja ku territori i mbetet Azerbajxhanit mbetet ende në fuqi.
Etiketa: Armeni, Azerbajxhan, Lufta Azerbajxhan-Armeni
