Ka përfunduar sfida e orës 15:00, mes Armenisë dhe Bosnje Hercegovinës, e vlefshme për kualifikueset e ‘Euro 2020’. Vendasit ishin të parët që kaluan në avantazh në minutën 3’ me Mkhitaryan, por vetëm 10 minuta më pas boshnjakët barazuan shifrat me Dzekon. Që në minutat e para kjo sfidë premtoi një lojë të fortë e me gola. Pjesa e parë u mbyll me rezultatin 1-1, ndërsa në pjesën e dytë do të shënoheshin plot 4 gola të tjerë.
Ishin përsëri vendasit dhe përsëri Mkhitaryan që dyfishoi rezultatin në minutën 66′, por 4 minuta më pas shifrat do të barazoheshin sërish, këtë herë me Gojak.
Presioni i armenëve gjatë sfidës, të bindur se do të rrëmbenin një 3 pikësh në fushën e tyre u shpërblye. Vendasit kaluan përsëri në avantazh në të 77’ dhe pak minuta nga fundi, një “own-goal” i Loncar do ishte goditje “Knock-out” për Bosnjen, e cila gjendet në vendin e 4-t me 7 pikë, ndërsa Armenia në vendin e 3-të me 9 pikë, në grupin J.
