Policia e Kosovës ka arrestuar katër persona për sulm ndaj reperit gjilanas Fero. Arjanit Sjarina ishte një ndër personat që sulmoi Feron së bashku me disa shokë të tij. Arsyet e këtij sulmi nuk janë bërë akoma të ditura por mendohet të jetë një përplasje për shkak të teksteve që reperi Fero ua drejton këtij grupi.
Të dyshuarit D.D. (1999), A.S. (1997), R.Y. (1998) dhe L.U. (1998) janë arrestuar dhe më pas janë liruar në procedurë të rregullt pasi janë marrë në pyetje.
“Janë arrestuar katër persona për rastin lëndim trupor që ka ndodhur me datën 20 mars 2018, në lagjen Veternik në Prishtinë. Personat e dyshuar pas intervistimit dhe përfundimit të procedurave të nevojshme policore me urdhër të prokurorit janë liruar në procedurë të rregullt. Policia ka arritur qa nga të arrestuarit të konfiskojë një shkrepse në formë të armës”, ka thënë Flora Ahmeti zëdhënëse për rajonin e Prishtinës në Policinë e Kosovës.
Por pavarësisht kësaj ngjarje reperi Fero ka deklaruar se nuk i trembet askujt dhe se do të vazhdojë të sjellë projekte të reja.