Kastriot Dervishaj , i shpallur në kërkim ndërkombëtar nga Spanja për kultivim dhe trafikim lëndësh narkotike eshtë arrestuar në Vlorë.
42- vjeçari është arrestuar në lagjen “24 maji” pasi autoritetet gjyqësore spanjolle, me vendimin e datës 14.12.2020, lëshuan një urdhër arresti për veprën penale të autorit , parashikuar nga Kodi Penal i Spanjës.
Interpol Tirana, në bashkëpunim me autoritetet ligjzbatuese spanjolle, vijon procedurat për ekstradimin e tij shtetasi drejt Spanjës.
Njoftimi i Policisë
“Vijon puna për kapjen e personave të shpallur në kërkim ndërkombëtar. Kapet dhe vihet në pranga, me qëllim ekstradimi, një shtetas i kërkuar për kultivim dhe trafikim të narkotikëve. Në vijim të punës për kapjen e personave në kërkim, nga shërbimet e Seksionit për Hetimin e Narkotikëve në Drejtorinë Vendore të Policisë Vlorë, u bë kapja dhe arrestimi, me qëllim ekstradimi, i shtetasit: K. D., 41 vjeç, banues në lagjen “24 Maji”, Vlorë”.
