Ish-shefi i “Nissan”, Carlos Ghosn, është arrestuar sërish në Tokio. Ai u lirua me kusht në pritje të gjykimit mbi pretendimet për shkelje të detyrimeve fiskale. Prokurorët thanë se 65-vje135ari u arrestua me dyshimin se i shkaktoi “Nissan” 5 milionë dollarë humbje.
Në një deklaratë, Ghosn tha se riarrestimi i tij ishte “mizor dhe arbitrar”. Bossi i Nissan, i cili mohon çdo akuzë, u lirua kohët e fundit me kusht pas 108 ditësh në paraburgim.
Prokurorët e Tokios hynë në shtëpinë e tij para orës lokale 06:00, të mëngjesit të së enjtes dhe e çuan në zyrën e tyre me dyshimin se kishte shpërdoruar fondet e “Nissan” për përdorim personal, njoftoi transmetuesi japonez NHK.
NHK tha se ishte e pazakontë që dikush të lirohej me kusht në Japoni për t’u riarrestuar. Prokurorët thanë se arrestimi i fundit i Ghosn lidhet me transfertat e fondeve të “Nissan” që arrijnë shumën 15 milion dollarë mes viteve 2015 dhe 2018. Ata dyshojnë se 5 milion dollarë të kësaj vlere u përdor nga Ghosn për shpenzimet personale.
LEXO EDHE:
Brenda apartamentit luksoz të shefit të prangosur të Nissan-it
