Reporterët e Asamblesë Parlamentare të Këshillit të Europës, kanë dhënë vlerësimin e tyre për zgjedhjet e 25 prillit, duke renditur disa nga shqetësimet që shoqëruan procesin.
KiE evidenton se procesi ishte përgjithësishit i qetë, ndonëse problematika u gjetën në disa qendra votimi siç ishin ato me bojën në gisht ku jo të gjithë e pranuan apo edhe mbajtja e maskës anti-COVID.
“Në shumicën e qendrave të votimit të vizituara, procesi i votimit ishte përgjithësisht i qetë. Procedurat ishin në përgjithësi të ndjekura, por votuesit ndonjëherë nuk e hiqnin maskën e tyre të fytyrës për qëllim të identifikimit, dhe procedura e bojës në gisht nuk ishte u respektua në mënyrë rigoroze”, thuhet në raport.
“Masat parandaluese COVID-19 nuk ishin zbatuar mirë, dhe distancimi shoqëror jo gjithmonë i respektuar. Sekreti i votës u respektua. Mbipopullimi përfaqësonte një problem në disa qendra votimi të vizituara nga ekipet e PACE”, vijon raporti.
Shqetësim blerja e votave
Fenomeni i shitblerjes së votave ka gjetur vend edhe në raportin e Asamblesë Parlamentare të Këshillit të Europës, ku vërehet
“Delegacioni i vëzhgimit arriti në përfundimin se zgjedhjet parlamentare u karakterizuan nga një fushatë e gjallë dhe gjithëpërfshirëse, falë një kornize ligjore që ndihmoi në sigurimin e respektimit të liritë themelore. Në të njëjtën kohë fushata pa se autoritetet përfitonin nga funksionet publike.
Zgjedhjet parlamentare u mbajtën pas një marrëveshje politike përparimi të arritur në qershor 2020, e cila u pasua nga një reformë zgjedhore”, theksohet më tej.
“Delegacioni i Asamblesë shprehu shqetësimin e tij në lidhje me pretendimet për blerjen e votave nga partitë politike të cilat ishin të përhapura gjatë fushatës. Ai vuri në dukje se një numër hetimesh u hapën për këtë. Prandaj, delegacioni i Asamblesë pret që autoritetet përkatëse shqiptare të marrin masat e duhura nga hetimet dhe të informohen për rezultatet në kohën e duhur.
Zgjedhjet parlamentare ishin përgjithësisht të organizuara mirë nga administrata zgjedhore. Administrata në të gjitha nivelet në përgjithësi gëzonte besimin e palëve të interesuara”, thuhet ndër të tjera.
