Pas vrasjes tronditëse së 25 vjeçarit nga policia, në derën e shtëpisë, revolta që shpërtheu dje në Tiranë kishte si kërkesë kryesore, largimin e Ministrit të Brendshëm, Sandër Lleshaj. Për largimin e gjeneralit arrogant, ka tashmë një konsensus të përgjithshëm. Eshtë e vështirë të gjendet dikush që t’i dalë në mbrojtje.
Edhe disa prej zërave që janë shumë kritikë me opozitën, e kërkojnë largimin e Lleshajt.
Së fundmi, edhe analisti Mustafa Nano. Në një intervistë pak më parë për news 24, ai u shpreh se Ministri duhet të mbajë përgjegjësi. Ai u ndal sidomos në përpjekjen e policisë për të trukuar ngjarjen.
Ky është rasti i vetëm që askush nuk është në krah të Lleshajt.
Më parë, e kanë mbrojtur media, gazetarë, dhe funksionarë të rëndësishëm të mazhorancës. Sa herë është diskutuar për të, taulantët kanë dalë në publik dhe kanë thënë se është shumë i suksesshëm.
Por sot, ai është braktisur. Askush nuk është më gati të marrë kosto. Ekulibrat e rilindjes janë të brishtë dhe revolta që shpërtheu dje në bulevard është një uragan që mund t’i përpijë ata të gjithë.
Ndaj, për të ruajtur mbretin, mund të sakrifikohen gjithë figurat e tjera.
I vetmi njeri në Shqipëri që thotë se Lleshaj duhet të vazhdojë, është mesa duket një ish-vartës i tij, një avokat që është së fundmi oratori i rilindjes nëpër studio, Plarent Ndrecaj. Këtë tha ai edhe mbrëmë në Open, duke mbajtur qendrimin se Ministri nuk ka përgjegjësi.
Në fakt, burimet mediatike, bëjnë të ditur se deri në orën 18.00 kur Rama ka thënë se do të flasë, mund të ketë zhvillime në këtë drejtim.
Ose dorëheqje, ose shkarkim.
Etiketa: dorëheqja, ministri, revolta, Sandër Lleshaj
