Ka ndërruar jetë mëngjesin e sotëm Paulin Gjergji, i cili mbeti i plagosur mbrëmjen e kaluar në Gjorm të Kurbinit pas një atentati me armë zjarri.
Kujtojmë se një natë më parë, rreth orës 22:30, një person ende i paidentifikuar ka qëlluar me armë zjarri duke lënë të vdekur në vend Bujar Lika (Hasanin) përpara një hoteli dhe duke plagosur Kreshnik Tushën 21 vjeç dhe Paulin Gjergjin 53 vjeç, ky i fundit ndërroi jetë këtë mëngjes.
Si ndodhi ngjarja
Një person ka qëlluar me armë zjarri ndaj Bujar Likës përpara një hoteli në Laç. Nga të shtënat fillimisht mbetën të plagosur dy persona, Paulin Gjergji dhe Kreshnik Tusha.
Ngjarja ka ndodhur në superstradën Lezhë-Mamurras në hotelin “AA” në afërsi të Kryqëzimit të Gjormit. Burime për gazetën Mapo raportuan se i plagosuri Paulin Gjergji u nis për në Spitalin e Traumës në Tiranë, ndërsa raportohej se policia ndodhej në vendngjarje.
Të tjera burime tregojnë për Mapo se 21-vjeçari Kreshnik Tusha është paraqitur në urgjencën e këtij qyteti me plagë të rënda në pjesën e poshtme të trupit. Të njëjtat burime raportojnë se i plagosur nga ngjarja ka mbetur edhe autori i cili ende nuk është identifikuar.
LEXO EDHE:
Vrasja në Laç, kush është viktima dhe dy të plagosurit (Emrat)