Aktualitet

Atentati ndaj biznesmenit Andon Dhima, ndalohen 4 persona të dyshuar (EMRAT)








Bëni LIKE faqen zyrtare në Facebook
               Publikuar në : 08:46 - 21/10/20 |
mapo.al

Vendosen në pranga 4 persona të dyshuar për vrasjen e mbetur në tentativë të biznesmenit Andon Dhima në Tiranë, mbrëmjen e së enjtes.


Sipas raportimeve mediatike 2 të dyshuar u arrestuan mëngjesin e sotëm në zonën e “Brrylit”, ndërsa 2 të tjerë pranë monumentit arkeologjik “Mozaiku i Tiranës”.


MAPO mëson se bëhet fjalë për:



Gridi Lena, 45 vjeç, banues në Tiranë, i dënuar më parë me 6 vite burgim, për vjedhje me armë në Gjermani


Altin Hoxha, 35 vjeç, banues në Tiranë, i dënuar më parë për plagosje me armë


Mariglen Metohiti, 30 vjeç dhe Enea Hoxha, 26 vjeç, i dënuar më parë me 4 vite e 9 muaj, për “Prodhimi dhe shitja e lëndëve narkotike”.

4 të dyshuarit me rekorde kriminale janë identifikuar nga Policia nga kamerat e sigurisë në rrugica.

Gjithashtu numrat e telefonit janë vendosur në përgjim, dhe janë kapur bisedat mes tyre, ku flisnin për fshehjen e armëve dhe maskave.

Atentati mund të jetë i porositur, pasi mendohet se asnjë prej autorëve nuk ka lidhje të drejtpërdrejt me biznesmenin Andon Dhima.

Të prangosurve iu gjet dhe sekuestrua në cilësinë e provës materiale një armë  zjarri pistoletë dhe municion luftarak, mjeti  dhe veshjet që dyshohet se janë përdorur gjatë atentatit, një shkop hekuri policie nga ato me hapje, një palë pranga, 6 telefona celular, dhe rroba uniforme policie e kamuflazhi.

Materialet do t’i kalojnë Prokurorisë së Rrethit Gjyqësor Tiranë, për veprat penale “Vrasja” e mbetur në tentativë, e kryer në bashkëpunim, “Prodhimi dhe mbajtja pa leje e armëve të zjarrit dhe armëve të ftohta” dhe “Mbajtja pa të drejtë e uniformës”.

 

 

Njoftimi i Policisë:

Tiranë/Informacion

Finalizohet operacioni policor i koduar “Stuhia”.

Operacioni nga Komisariati i Policisë Nr. 2, në bashkëpunim me strukturat hetimore të DVP-së, nën drejtimin e Prokurorisë së Rrethit Gjyqësor Tiranë.

Zbardhet tentativa për vrasjen e 51-vjeçarit, në rrugën “Muhamet Gjollesha”.

Identifikohen, kapen dhe vihen në pranga dy autorët që ndoqën 51-vjeçarin, për ta vrarë. Autorët me precedent të theksuar kriminal për vjedhje me armë dhe plagosje.

Në pranga edhe dy bashkëpunëtorët e autorëve, njëri prej tyre me precedent kriminal në fushën e narkotikëve.

Sekuestrohet arma e zjarrit me të cilën autorët do kryenin krimin, automjeti me të cilin u larguan, maskat e përdorura për të mos u identifikuar, rroba policie e prova të tjera që shërbyen për dokumentimin e ngjarjes.

Strukturat hetimore të Komisariatit të Policisë Nr. 2 në Tiranë, menjëherë pas marrjes së kallëzimit nga shtetasi A. Dh., i cili ka treguar se mbrëmjen e datës 15.10.2020, në rrugën “Muhamet Gjollesha”, dy persona të maskuar dhe të armatosur e kanë ndjekur deri në hyrje në hyrje të pallatit, me qëllim për ta eliminuar atë, menjëherë kanë organizuar punën në bashkëpunim me Prokurorinë e Rrethit Gjyqësor Tiranë dhe strukturat hetimore të DVP Tiranë, për zbardhjen e ngjarjes, identifikimin dhe kapjen e autorëve.

Si rezultat i një pune intensive hetimore dhe profesionale të bërë nga këto struktura, u bë i mundur sigurimi i provave që çuan në zbardhjen e ngjarjes dhe identifikimin e autorëve.

Mbi bazën e provave të siguruara nga Komisariati i Policisë Nr. 2 u organizua dhe finalizua operacioni policor i koduar “Stuhia”, në kuadër të të cilit u bë kapja dhe prangosja e dy autorëve të dyshuar të kësaj ngjarjeje, konkretisht:

L., 45 vjeç, banues në Tiranë, i dënuar më parë me 6 vite burgim, për vjedhje me armë në Gjermani, dhe A. H. 35 vjeç, banues në Tiranë, i dënuar më parë për plagosje me armë.

Po në kuadër të operacionit u bë e mundur të identifikohen dhe të ndalohen dhe dy bashkëpunëtorët në këtë ngjarje, shtetasit:

M., 30 vjeç dhe E. H., 26 vjeç, i dënuar më parë me 4 vite e 9 muaj, për “Prodhimi dhe shitja e lëndëve narkotike”.

Nga veprimet e para hetimore dhe procedurale u gjetën dhe u sekuestruan në cilësinë e provave materiale: një armë zjarri pistoletë dhe municion luftarak, mjeti në pronësi te shtetasit A. H., që dyshohet se është përdorur gjatë ngjarjes, veshjet e përdorura nga autorët, një shkop hekuri policie nga ato me hapje, një palë pranga, 6 telefona celular, rroba uniforme policie dhe kamuflazhi e prova të tjera materiale.

Materialet do t’i kalojnë Prokurorisë së Rrethit Gjyqësorë Tiranë, për veprime të mëtejshme, për veprat penale “Vrasja” e mbetur në tentativë, e kryer në bashkëpunim, “Prodhimi dhe mbajtja pa leje e armëve të zjarrit dhe armëve të ftohta” dhe “Mbajtja pa të drejtë e uniformës”.

LEXO EDHE:

Si dështoi atentati ndaj biznesmenit Andon Dhima (VIDEO)


Etiketa: , ,

Pas