Një atentat me armë zjarri ka ndodhur këtë të premte te mbikalimi i Shkozetit, ku si pasojë është plagosur prokurori i Durrësit, Arjan Ndoja. Ky i fundit dhe Landi Muharremi, ndodhen në spitalin e Durrësit jashtë rrezikut për jetën. Një prej të plagosurve është dërguar në Spitalin e Traumës në Tiranën dhe bëhet fjalë për Andi Malokun.
Spitali i Traumës ndërkaq është blinduar nga forca të shumta policore. Në hyrje në Spitalit Ushtarak të Tiranës, janë parë forca të shumta policie, të rendit dhe FNSH, të cilët ndodhen aty të armatosur rëndë. Po ashtu, policia ka blinduar edhe spitalin e Durrësit.
Ngjarja e rëndë e ndodhur te mbikalimi i Shkozetit ka bërë që të reagojnë edhe politikanë opozitarë, të cilët thanë se atentati ndaj Ndojit është bërë nga qeveria, duke iu referuar deklaratave të kryeministrit Edi Rama nga foltorja e Kuvendit i cili tha se prokurori i Durrësit është në shërbim të grupeve kriminale.
