Andi Maloku, 24-vjeç ndërroi jetë mbrëmjen e sotme në Spitalin e Traumës, 6 ditë pasi mbeti i plagosur rëndë në atentatin mafioz ndaj prokurorit Arjan Ndoj tek mbikalimi i Shkozetit në Durrës. Maloku punonte si shofer privat i prokurorit, ndërsa më parë ka punuar në Policinë e Shtetit.
Të premten e 1 Nëntorit, ai ishte në drejtimin e mjetit “Benz” fuoristradë me targa AA 333 ZD dhe pasagjerë kishte prokurorin Ndoja dhe një person me precendentë, Aleksandër Laho i njohur dhe si Pëllumb Muharremi. Rreth ores 16:15 teksa mjeti lëvizte nga Durrësi drejt Tiranës, ra pre e breshërisë së plumbave. Në këtë atentat të rëndë, i dëmtuari më rëndë ishte pikërisht Andi Maloku. Ai u transportua që atë natë nga Durrësi në Spitalin e Traumës. Mediat raportuan se Maloku kishte marrë plagë të rënda pasi plumbat e shumtë e kishin prekur në mushkëri dhe në shtyllën kurrizore. Plagët ishin fatale për të riun nga Fushë-Kruja, i cili sot fatkeqësisht u nda nga jeta.
Ndërsa prokurori Ndoja dhe miku i tij Alkesandër Laho janë plagosur, por jashtë rrezikut për jetën. Për këtë ngjarje tejet të rëndë, po heton Prokuroria e Krimeve të Rënda. Deri më tani është një person i arrestuar; Redjan Rraja, kushëri i deputetit socialist Rrahman Rraja, i cili u kap teksa tentonte të largohej nga vendi. Edhe pse hetuesit thotë se kanë prova që e implikojnë Rrajën, ai ka mohuar të ketë gisht në këtë ngjarje.
Lexo edhe:
VIDEO/Momenti kur shoferi i prokurorit mbërriti i plagosur në spital
Zbulohen prova të reja nga atentati ndaj prokurorit Arjan Ndoja
Atentati ndaj Arjan Ndojës, arrestohet nipi i deputetit socialist