Sekretari amerikan i Mbrojtjes, Lloyd Austin tha se nuk besoj se Rusia dhe presidenti Vladimir Putin duan të përballen ushtarakisht me NATO-n.
Duke folur në një komitet të kongresit të mërkurën, sekretari tha: “Nëse shikojmë llogaritjet e Putinit, mendoj se Rusia nuk dëshiron të përballet me Aleancën e Atlantikut të Veriut”.
Pothuajse tre muaj pas fillimit të pushtimit rus të Ukrainës, Moska duket se nuk i ka arritur qëllimet e saj. Luftimet vazhdojnë në fronte të ndryshme, pa avancimin e forcave rus, në disa zona ata madje janë tërhequr nga territoret që pushtuan në ditët ose javët e para.
Në të njëjtën seancë, shefi i Shtabit të Përgjithshëm të SHBA-së, gjenerali Mark Miley, tha se Rusia kishte përdorur raketa hipersonike në objektivat në Ukrainë, por se kjo nuk kishte asnjë ndikim të rëndësishëm në rrjedhën e luftës.
“Përveç shpejtësisë së lartë të raketave rreth 4-5 herë më e shpejtë se zëri që e bën të vështirë ndalimin e tyre” ne nuk kemi parë efekte domethënëse që ‘ndryshojnë lojën’”, tha Miley.
Zyrtarët amerikanë thonë se 10-12 raketa janë hedhur në drejtim të Ukrainës deri më tani. Kjo është hera e parë që armë të tilla përdoren në luftë.
Shefi i shtabit dhe ministri i mbrojtjes ranë dakord se përdorimi i këtyre armëve nuk mund ta motivonte Putinin të urdhëronte përdorimin e armëve bërthamore.
