Aktualitet

Austria në alarm, të martën mbyllen shkollat, vendi drejt karantinës së plotë














Bëni LIKE faqen zyrtare në Facebook
               Publikuar në : 08:34 - 15/11/20 |
mapo.al

Austria ka vendosur të mbyllë shkollat, pjesën më të madhe të rrjeteve të dyqaneve dhe shërbimeve dytësore.





Sipas kancelarit Sebastian Kurz, përpjekjet për t’u mbështetur në vetëdisiplinim dhe në kufizimet e moderuara dështuan për të ngadalësuar ritmin e koronavirusit.


Masat e reja vijnë dy javë pas një izolimi të lehtë të ngjashëm me Gjermaninë që la një pjesë të mirë të ekonomisë dhe shoqërisë të hapur. Me rritjen e infeksioneve, Kurz u shpreh se shpreson që kufizimet të marrin fund deri në datën 6 dhjetor, për të pasur disi liri për festat e fundvitit.




Njerëzit mund të lënë shtëpitë e tyre vetëm për qëllime të caktuara, si pazare ushqimesh apo për të shkuar në punë e për të bërë vizita urgjente. Këto kufizime të cilat deri tani zbatoheshin vetëm pas orës 22.00, do të aplikohen gjatë gjithë ditës.

Lexo edhe :  Një autobuz me punëtorë kosovarë shndërrohet në ‘bombë’ për Austrinë

Dyqanet ushqimore, farmacitë, bankat, postat, pikat e karburantit dhe autoserviseve do të qëndrojnë të hapura me orar të kufizuar, nga 6 e mëngjesit deri në 7 të pasdites.


Shkollat do të zhvillohen online, ndërkohë një pjesë e mirë e të punësuarve do të punojnë nga shtëpia.

Reagimi i ngadaltë i qeverisë ndaj rritjes së shpejtë të infeksioneve është në kontrast me marsin, kur qeveria veproi shpejt dhe me vendosmëri dhe ishte ndër kombet e para europiane që kontrolloi valën e koronavirusit.

Austria ka raportuar shifra rekord me raste të reja të Covid-19, me plot 9 586 persona të infektuar vetëm të premten.

Kjo shifër është nëntë herë më e lartë se ajo e rregjistruar në kulmin e valës fillestare.

Vendi ka regjistruar më shumë se 191,000 raste që nga fillimi i pandemisë dhe 1,661 vdekje të lidhura me COVID.

1


Etiketa: , , ,

CLOSE
CLOSE
Pas