Një aksident ka ndodhur rreth mesditës në Rrugën e Kombit. Një kamion autobot që transportonte naftë drejt Kosovës ka goditur nga pas një makinë.
Si pasojë e kësaj përplasje të dy mjetet kanë humbur kontrollin dhe kanë dalë nga rruga. Autoboti ka dalë nga rruga rreth 100 metra larg nga vendi i aksidentit.
Fatmirësisht, drejtuesi i automjetit dhe dy pasagjere në autoveturë, përkatësisht nënë e bijë morën dëmtime të lehta dhe u transportuan për në spitalin rajonal të Kukësit për ekzaminime dhe trajtime të nevojshme.
Policia po punon për zbardhjen e plotë të rrethanave të aksidentit.
Të dy mjetet janë me targa të Kosovës por edhe drejtuesit e mjeteve dhe pasagjeret janë shtetas të Kosovës.
Aksidenti ndodhi në fshatin Morin, rreth 500 metra larg doganës ndërsa mjetet po udhëtonin drejt Kosovës.
