Në ceremoninë e 21 Janarit, Edi Rama u shpreh që në krye se drejtësia për viktimat ende nuk është bërë.
Duke iu referuar vendimit të Gjykatës së Apelit për ata që qëlluan, Rama tha se ata që vranë, sipas atij arsyetimi, kanë vepruar si terroristë, në kushtet e një vetëbesimi të madh që mund ta bënin atë që bënë në emër të një bindjeje, dhe kur nuk i njihnin viktimat, apo kur nuk kanë bashkëpunuar me të tretë.
Në prani të familjarëve të 4 viktimave, Kryeministri u shpreh se ai dhe mazhoranca e tij nuk mund të marrin rolin dhe atributet e gjykatës.
Ai fajësoi gjykatat dhe llumin e drejtësisë, siç e cilësoi, për faktin që ende nuk ka shkuar në vend e drejta.
Rama u shpreh se ata kanë në dorë të nxisin reformën në drejtësi, për të cilën po punojnë.
Kryeministri ngriti tonet kur tha se ata që i vranë për herë të dytë, pra togat e zeza, do të përgjigjen një ditë.
Kryeministri pohoi se sot do t’i vendosë 4 viktimat në Altarin e Atdheut, aty ku e kanë vendin.
Etiketa: 21 janari, ceremonia, Edi Rama
