Gjatë diskutimeve online në Komisionin e Sigurisë, deputeti Myslym Murrizi i ka nxjerr një “sekret” kryetares së këtij Komisioni, Ermonela Felajt.
Teksa po diskutohej nen për nen për projektligjin për armët, deputeti zbuloi se kryetarja ishte e infektuar me Covid-19 dhe e këshilloi të mos lodhet shumë, pasi është në fazat e para të rikuperimit.
Sipas Murrizit, deputetja e ka kaluar me vështirësi sëmundjen, e cila tashmë ka paralizuar botën.
Gjatë debateve për klasifikimin si armë të thikave dhe dorezave, Murrizi pati kundërshti, duke u shprehur se asnjë vend i BE nuk i klasifikon si të tilla.
Debati
Murrizi: Dalim te historia çadra pistoletë, stilolapsa pistoletë
Felaj: Z. Derivishaj ose z. Llamallari…
Murrizi: Avash-avash kryetare se je në ditët e para të rikuperimit dhe mos mu lodh shumë.
Felaj: Jo nuk lodhem.
Murrizi: A të keqen kryetare.
Felaj: Kur jam në mbledhje me ju çlodhem.
Murrizi: Mezi e ke kaluar Covidin, duam të jesh marshallah.
Felaj: Ashtu jam.
Murrizi: Lëri të lodhen këta të Ministrisë.
