Partia Demokratike kërkoi sot zyrtarisht të hetohet nga prokuroria Mark Babani kryebashkiaku i ri i Vaut të Dejës. Sipas PD-së, Babani ka qenë i dënuar në Itali dhe Maqedoninë e Veriut si dhe ka përdorur tre identitete të ndryshme.
Sakaq, Dega e Partisë Socialiste në Vaun e Dejës i parapriu denoncimit të PD-së, duke deklaruar që mbrëmë se z. Babani s’ka asnjë problem me drejtësinë.
Në një status në facebook, PS-ja shkruan:
Disa burime nga disa “gazetarë” dhe disa “portale” lajmesh fallco , bëjnë me dije se PD do të publikojë disa shpifje par Mark Babanin, i cili sipas tyre mësohet se është i “dënuar”.
Është kontaktuar vetë kryebashkiaku i Vaut të Dejës, i cili ka mohuar kategorikisht një gjë të tillë, duke u shprehur se në jetën e tij nuk ka marrë as qoftë edhe një gjobë.
“Jam 52 vjec dhe deri më tani s’kam asnjë denim qoftë edhe një gjobë të thjeshtë makine. As unë, as babai im, as gjyshi s’kemi shkuar ndonjëherë në polici. Nëse dikush gjen një presje do t’i isha shumë mirënjohës. Jam person i njohur. S’më gjejnë as edhe një gjobë të thjeshtë makine se gjë tjetër jo e jo,”-tha Babani në prononcimin e tij”.
Lexo edhe:
Kush është i 3-ti/ PD denoncon tjetër kryebashkiak të dënuar jashtë
