Bajamet, arrat dhe lajthitë rrisin fertilitetin mashkullor. Konsumimi i këtyre frutave rrit cilësinë e spermës. Kjo është zbuluar nga një studim i paraqitur në takimin e Shoqërisë Europiane të Riprodhimit të Njeriut dhe Embriologjisë në Barcelonë.
Studiuesit bënë pjesë të kërkimeve shkencore 119 burra të moshës 18 deri 35 vjeç, duke i ndarë në dy grupe. Njëri grup ka ngrënë 60 gramë bajame, lajthi dhe arra, ndërsa grupit tjetër të meshkujve nuk iu janë dhënë këto fruta.
Pas 14 javësh, ata që kishin konsumuar frutat e thata rezultonte se kishin përmirësime të dukshme në numrin e spermatozoideve, në gjallërinë, formën, morfologjinë dhe gjithçka që asociohet me fertilitetin mashkullor. Për më tepër rezulton se ka reduktim domethënës në nivelin e fragmentarizimit të ADN-në e spermës, një parametër i lidhur ngushtësisht me sterilitetin tek burrat.
Edhe rezultatet e këtij studimi janë në koherencë me studimet e mëparshme lidhur me rolin e produkteve ushqimore të pasura me omega-3, antioksidantë, vitaminë C dhe E, selen, zink dhe folate në përmirësimin e spermës. Veçanërisht arrat janë shumë të pasura me këto ushqyes.
“Në literaturë-nënvizon bashkëautori i këtij studimi Albert Salas-Huetos i Universitetit “Rovira i Virgili” në Spanjë,- “po mbledhim prova që një lloj stili jetese duke ndjekur një ushqyerje të shëndetshme mund të ndihmojnë fertilitetin tek meshkujt, dhe sigurisht që frutat e thata janë element kyç për një dietë mesdhetare të shëndetshme”.
Por për sa i takon fertilitetit studiuesit ende po janë në proces të mbledhjes së fakteve që ndihmojnë dhe japin shpresa meshkujve dhe çifteve te reja në shtimin e fertilitetit të tyre.
Frutat
Frutat e thata, si arrat, lajthitë dhe bajamet janë një ushqim shumë i mirë jo vetëm për zemrën dhe trurin, por për gjithë organizmin. Edhe pse në mënyrë të veçantë vlerat ushqyese të këtyre frutave janë provuar, tashmë shkencërisht njihen edhe dobitë shëndetësore të tyre. Kështu arrat janë të pasura me omega-3, të cilat mund të quhen ushqim për trurin. Specialistët janë të bindur se, në qoftë se hahen arra në baza të rregullta mund të çojë në përmirësimin e aftësive mendore dhe koordinimin. Përveç omegës-3, arrat janë gjithashtu të pasura me antioksidantë, të cilët ndihmojnë për të parandaluar dhe riparuar dëmtimet e trurit për shkak të radikalëve. Arrat me të vërtetë janë një burim i shkëlqyer ushqimi për të rritur aftësinë tuaj, qartësuar mendjen dhe për të dhënë më të mirën e tij. Megjithatë, përveç këtyre përfitimeve të rëndësishme, një grup shkencëtarësh në Universitetin e Harvardit studiuan efektet e arrave mbi njerëzit me probleme të ndryshme kardiovaskulare. Doli se arrat mund të ulnin rrezikun e të pasurit një goditje apo një sëmundje në zemër, si dhe të mbrojnë kundër sëmundjeve të tjera të mundshme të natyrës kardiovaskulare. Së fundi, ekspertët thonë se arrat ose produktet e arrave mund të jenë një potencial i madh, një ilaç për të ulur kolesterolin e keq në gjak. Problemi kryesor për specialistët në këtë pikë është se në mënyrë që të gëzojnë të gjitha përfitimet e arrave, një person duhet të konsumojnë 7-9 arra në ditë. Kjo dozë është mjaft e lartë në kalori (është e barabartë me dy lugë tryezë të vajit vegjetal) dhe nuk është i rekomanduar thjesht për shumë prej nesh.
Lajthitë
Lajthia është një element shumë i rëndësishëm ushqimi në një dietë të ekuilibruar. Ajo ka disa veti të rëndësishme shëndetësore në mbrojtjen kundër sëmundjeve. Ajo ka një kombinim të veçantë të acid oleik të proteinave, karbohidrateve dhe beta-sitosterolit. Lajthia dhe vaj i lajthisë janë një burim i mirë i Vitaminës E, e cila është thelbësore për muskujt e zemrës dhe muskujt e tjerë të trupit, duke i mbajtur të shëndetshëm. Lajthia është gjithashtu e nevojshme për funksionimin normal të sistemit të riprodhimit. Vitamina E parandalon shpërbërjen e qelizave të kuqe të gjakut, pra ajo shërben si një mbrojtëse kundër mungesës së gjakut, e cila quhet anemi. Një tjetër dobi e vitaminës E, e cila është gjetur në lajthi, është për të parandaluar faktorët që përgatisin bazën për sëmundjen e kancerit. Nëse kanceri është formuar tashmë në trup, atëherë ajo lufton për të shpërndarë qelizat e dëmshme. Beta-sitosteroli, e cila gjendet me bollëk në lajthi, është e rëndësishme. Kështu në qoftë se konsumojmë 25 gr në ditë, e mbrojmë trupin si për sëmundje të zemrës dhe të kancerit. Një nga përfitimet shëndetësore të mëdha te lajthia është se ajo është e pasur me acid folik. Acidi folik është i dobishëm për rritjen e foshnjave dhe për të rriturit. Ai luan një rol të rëndësishëm në prodhimin e qelizave të kuqe të gjakut, të cilat janë të domosdoshme për transportin e oksigjenit në të gjithë trupin e njeriut. Vitamina B, vitaminat B1, B2, B6 e B12, të cilat janë të pranishme tek ajo janë thelbësore në formimin e gjakut dhe të shëndetit mendor, sidomos për fëmijët në moshë të zhvillimit. Një tjetër veti e rëndësishme e lajthisë është se ajo siguron trupin me proteina. Proteina është materiali bazë i përdorur për prodhimin e indeve të muskujve dhe kjo është një nga përfitimet më të rëndësishme të lajthisë. Trupi i njeriut gjithashtu kërkon yndyrë edhe pse në sasi të moderuar. Cilësia e yndyrës është gjithashtu e rëndësishme, lajthia përmban yndyrë omega, e cila është e rëndësishme për shëndetin e individit. Në mënyrë që të nxjerrim maksimumin e përfitimeve të lajthisë është e rekomandueshme që të konsumoni të paktën 25 gramë lajthi të freskëta çdo ditë.
Bajamet
Bajamet ndikojnë në zemër, pasi rrisin HDL-në, kolesterolin e mirë dhe mbajnë në nivele të ulëta kolesterolin e keq. Si rezultat, rreziku i sëmundjeve të zemrës është ulur. Vetëm duke ngrënë një grusht bajame çdo ditë. Gjithashtu, bajamet ndihmojnë në peshë, edhe pse bajamet kanë nivele të larta yndyre, ato ndihmojnë për të humbur peshë. Bajamet përmbajë yndyra të ngopura, të cilat bëjnë të ndiheni të ngopur shpejt e në këtë mënyrë të ndaloni mbingrënien. Për këtë nuk duhet të kalohet masa një grusht ose 12 kokrra. Ky frutë ndihmon në ushqyerjen e trurit, pasi përmban riboflavinë, e cila vendoset nga një reaksion zinxhir që të çon në kujtesë të mirë. Në fakt, disa e konsiderojnë si një ushqim të domosdoshëm për fëmijët në rritje. Bajamet janë të pasura me vitaminë E. Vitamina E është një antioksidant që lufton radikalet e lira, parandalon dëmtimin e indeve të trupit dhe e mban lëkurën elastike nga dëmtimi. Kjo është arsyeja pse vaji dhe qumështi i bajameve janë një nga përbërësit kryesorë në prodhimet e kremrave të lëkurës. Produktet e bajames mbrojnë lëkurën nga plakja, dielli, dhe kanceri i lëkurës. Po kështu edhe për personat e sëmurë me hipertension, bajamet ndihmojnë, pasi kanë shumë kalium dhe shumë pak sodium. Ky është një kombinim i përsosur kur është fjala për të kontrolluar tensionin e gjakut. Kaliumi ndihmon në rregullimin e presionit të gjakut, ndërsa me përmbajtjen shumë të ulët të natriumit bajamja është ideale si ushqim. Ato ndalojnë kancerin e zorrës së trashë dhe kapsllëkun. Bajamet janë të pasura me fibra. Fibrat e bajames ndihmojnë në rregullimin e brendshëm dhe pastrojnë traktin e tretjes. Si rezultat, bajamet ndihmojnë trupin tonë për të luftuar kancerin e zorrës së trashë. Janë shumë të mira edhe për gratë shtatzëna, pasi bajamet përmbajnë acid folik, i cili është thelbësor për mbajtjen e foshnjave në barkun e nënës në mënyrë të shëndetshme duke parandaluar defekte të tilla si problemet me zemrën, defekte të trurit dhe shumë më tepër. Bajamet përmbajë mangan, bakër dhe riboflavinë, që i bëjnë ato përforcues të energjisë. Bajamet kanë shumë proteina dhe kanë zero karbohidrate.