Kryetari i Grupit Parlamentar në Partinë Socialiste, Taulant Balla ka reaguar pas deklaratave të drejtuesit të Grupit Parlamentar të PD, Enkelejd Alibeaj, i cili akuzoi mazhorancën se është tërhequr nga marrëveshja.
Balla thotë se të vetmin kusht që PS, është që presidenti i ri të mos jetë si Ilir Meta, teksa e cilëson antireklamë për vendin.
“Të vetmin kusht që kemi ka qenë që te kemi një president krejtësisht të ndryshëm nga Ilir Meta. Ishte antireklama më e madhe për vendin. Shqipëria meriton një president Republikë te jetë realisht mbi palët. Unë mendoj që gjitha palët duhet ta shohin me përgjegjësi këtë proces.
Në dy raundet 2-3 u kemi thënë propozoni ju. Nuk kemi marrë një propozim shkresor nga ana e PD-së. Pjesëmarrja në proces është përgjegjësi kushtetuese asnjë nga palët nuk po merr pjesë në proces për shkak të palës tjetër. Shqipëria meriton një president Republike mbi palët. Kam komunikuar me dy grupet e tjera parlamentare të opozitës me të cilat do të vijojmë edhe në javë të vijim. Negociatat mes tyre do të vazhdojnë”, tha Balla.
Duke iu përgjigjur akuzave të Alibeajt, Balla tha se Partia Socialiste e ka legjitimitetin ta zgjedhë presidentin. “Ne i kemi votat, por do donim që të zgjidhej me 84 vota. Nëse nuk do të ushtrohet kjo e drejtë nga opozita në do të ushtrojmë të drejtën tonë. Presidentin nuk do t’ja japim asnjë partie politike”. tha Balla.
Pas mbledhjes së Grupit Parlamentar të PD, Enkelejd Alibeaj tha se mazhoranca u tërhoq nga marrëveshja, pasi në PD filluan të qarkullojnë emrat e parë.
“Ne kryem kontributin tonë. Detyrimin tonë. Dokumenti është aty. Tërheqja është në mënyrë të paarsyeshme nga PS. Është një gjë që në sytë e shqiptarëve kemi bërë detyrën tonë. Ne u qëndruam detyrimeve tona. Kishim procesin e identifikimit por pala tjetër u tërhoq. Vlera e këtij dokumenti vlen deri në momentin e fundit. Dhe në 12 të natës jemi të gatshëm ta vazhdojmë“, u shpreh Alibeaj.