Aktualitet

Balla: Shqipëria në luftë me Covid-19, PD harxhon 60 mijë dollarë për lobim në SHBA





Bëni LIKE faqen zyrtare në Facebook
               Publikuar në : 09:37 - 21/04/20 |
mapo.al

Kreu i Grupit Parlamentar të PS-së Taulant Balla, ka akuzuar Partinë Demokratike se në kohën që vendi është në krizën e koronavizurit, Basha harxhon 60 mijë dollarë për lobing në SHBA.


Balla ka publikuar një dokument për pagesën që është bërë nga Partia Demorkatike dhe thotë se kompania që po lobon për PD-në, është e njëjta që lobon edhe për Maduron.


Postimi i Ballës


Shqipëria në luftë me Covid-19, Lulzim Basha harxhon 60 mijë dollarë për lobing.


Departamenti Amerikan i Drejtësisë, përmes Aktit të Rregjistrimit të Agjentëve të Huaj ka rregjistruar më 20 Mars 2020, një kontratë të re lobingu në SHBA të Partisë Demokratike me një kompani që ndër klientët e vet rregjistron edhe zyrtarë të lartë të regjimit të Maduros në Venezuelë.

O zot, si ka mundësi, kur të gjithë shqiptarët janë bërë bashkë në këtë Luftë me Covid-19, ku nevoja për solidaritet social e mbështetje për njerëzit në nevojë është aq e domosdoshme nga të gjithë, ky që merr guximin të japë edhe mend e plane, paguan shuma kaq të mëdha parash për të nxirë Shqipërinë në media amerikane, apo në zyrat e Kongresit amerikan.

Po si mund të dalësh për ditë në TV, e të drejtosh gishtin se nuk po ndihmohen familjet në nevojë, se nuk po financohen spitalet, nuk po paguhen infermiret, punonjësit e policisë, nuk po i jepet ndihmë financiare biznesit, kur vetë bën rrush e kumbulla paratë që partia jote merr nga buxheti i shtetit.

Do të ishte shumë me vlerë të ndihmoje disa qindra familje shqiptare me ndihma ushqimore me këto para, Lulzim.

Mos prisni as sqarim, e as ndjesë publike nga ky e nga këta.

https://efile.fara.gov/docs/6399-Exhibit-AB-20200320-40.pdf


Etiketa: , ,

Pas