Aktualitet

Balla sulmon Bashën: I vetmi shqiptar që u zgjove pas tërmetit me dy vila








Bëni LIKE faqen zyrtare në Facebook
               Publikuar në : 10:54 - 26/11/20 |
mapo.al

Kreu i grupit parlamentar të PS, Taulant Balla nuk u kursye me akuzat ndaj opozitës nga foltorja e Kuvendit.



Ai tha se opozitarët ishin të vetmit që nuk u solidarizuan me tragjedinë e 26 nëntorit, ku humbën jetë 51 qytetarë nga tërmeti me magnitudë 6.9 ballë.


Balla u shpreh më tej se kryedemokrati Lulzim Basha po bën politikë me të vdekurit nga Covid-19, dhe shtoi se është “i vetmi shqiptar që u zgjua pas tërmetit me dy vila”. 




“Kurrë më parë Shqipëria nuk ishte gjendur në një situatë të tillë. Do t’i mbajmë mend gjatë ato ditë, ku shqiptarët u bënë bashkë me njëri-tjetrin. Ishte një moment i veçantë solidariteti, edhe pse ndonjë hienë në krahun tjetër të politikës nuk e zgjati solidaritetin. Politikanë të pashpresë, njerëz të trembur deri në palcë nga efektet e reformës në drejtësi. Të gatshëm të përdorin një fatkeqësi natyrore si koronavirusi për të shpërndarë panik dhe ankth.



Lexo edhe :  Habit Rama: Krijuam 698 mijë vende të reja pune, nga 300 mijë që premtuam

Përgjatë këtij një viti në Shqipëri është zhvilluar edhe një betejë me panikun që tentuan të përhapin kandrat e opozitës rrugore. Lulzim Basha, i vetmi shqiptar që u zgjua pas tërmetit me dy vila, flet me lot krokodili se gjoja qeveria i ka lënë në harresë. Lulzim Basha nuk paska as pikë turpi dhe as moral qoftë me tërmetin dhe pandeminë. Të bësh politikë me vdekjen, është një turp” – tha Balla.


Kryeministri Edi Rama, vijoi Balla, përmbyll sot në Dubai një nga marrëveshjet më të rëndësishme për rindërtimin, duke i mëshuar kështu punës së jashtëzakonshme që sipas tij ka bërë dhe po bën qeveria në menaxhimin e pasojave të tërmetit.

1


Etiketa: , , ,

CLOSE
CLOSE
Pas