Balla sulmon Metën: Kërkoi të dekoronte të vdekurin në Librazhd

Kryetari i Grupit Parlamenrar të Partisë Socialiste, Taulant Balla, njëherësh dhe drejtues politik i PS për Qarkun e Elbasanit ka publikuar në rrjetin social Facebook një mesazh që ka marë nga një qytetar i Librazhdit pas vizitës së presidentit Ilir Meta.

“Po nuk shkon mor burrë i dheut që Presidenti të hyjë në Librazhd sikur po shkon fshehurazi dhe të mbajë një trastë me dekorata në sedilen e pasme!”, shkruan qytetari, teksa thekson se të gjithë kishin mbetur të habitur nga fakti që Presidenti sot ka marrë në telefon dikë per t’i dekoruar gjyshin e ikur nga kjo botë para shumë vitesh.

Postimi
“Po nuk shkon mor burrë i dheut që Presidenti të hyjë në Librazhd sikur po shkon fshehurazi dhe të mbajë një trastë me dekorata në sedilen e pasme!” Kështu më shkruan një bashkëqytetari im nga Librazhdi. Ishte habitur fare mileti atje sot që ka marrë Presidenti në telefon dikë per t’i dekoruar gjyshin e ikur nga kjo botë para shume vitesh! Mos u habit i thashë, nuk i dalin numrat e të gjallëve Monës se ka vdekur LSI e 2017-ës dhe s’ka ç’bën edhe Likja se duhet të ngjallë të vdekurit…