Ish-kryeministri Sali Berisha kritikoi edhe sot nga Berati, ku ishte i pranishëm në një tur, projektin e Ballkanit të Hapur.
Kryeministri Edi Rama iu kundërpërgjigj, duke theksuar sërish rëndësinë që ka Ballkani i Hapur për vendin tonë.
Pas kritikave, si përgjigje ndaj Berishës, Rama shkroi në Twitter se Ballkani i Hapur nuk do të ndalet, sepse e ardhmja nuk ndalet dot .
Rama shkruan në Twitter se kushdo që është kundër Ballkanit të Hapur është në të drejtën e vet, ndërsa shtoi se kjo nismë nxit paqen dhe përshpejton Procesin e Berlinit
“Kushdo është kundër Ballkanit të Hapur është në të drejtën e vet që as mos të shohë, as mos të dëgjojë dhe as mos të kuptojë se kjo nismë nxit paqen, bashkëpunimin, integrimin dhe e përshpejton Procesin e Berlinit! Ballkani i Hapur nuk do të ndalet sepse e ardhmja nuk ndalet dot”, shkruan Rama në Twitter. /Liberale.al/
