Sot në mbrëmje plotësohen sfidat e dyta në të tetë grupet e Champions League. Sfida më e nxehtë është ajo mes Barcelonës dhe Interit.
Barça kërkon fitoren e parë në fazën e grupeve pas barazimit pa gola në Dortmund, ndërkohë Messi mban peng ekipin. “Pleshti” po stërvitet aktualisht me ekipin, por Valverde ende nuk ka vendosur nëse do ta zbresë sot në fushë apo jo. Trajneri do mund të vendosë përfundimisht vetëm pak para startimit të sfidës. Barcelonës i mungojnë Jordi Alba, Ansu Fati dhe Umtiti.
Nga ana tjetër edhe zikaltërit kërkojnë fitoren, pas barazimit 1-1 në shtëpi ndaj Slavia Prague, duke përfituar nga mungesat e katalanasve. Misioni është i vështirë, por jo i pamundur. Lukaku-Sanchez do jenë dyshja e shpresës për Conten.