Sekretari i Përgjithshëm i Partisë Demokratike dhe Zëdhënësja e PD, Ina Zhupa në një konferencë shtypi live, kanë deklaruar se 69% e anëtarëve të delegatëve të kuvendit të Partisë Demokratike janë pro kuvendit të 18 dhjetorit dhe kanë deklaruar pjesëmarrjen.
Pra 5259 delegatë të kuvendit janë shprehur për pjesëmarrje, ndërsa 1226 anëtarë nuk kanë konfirmuar pjesëmarrjen, një pjesë e tyre janë në emigracion.
Bardhi ka deklaruar se nuk ka kuvend tjetër përveç atij të 18 dhjetorit. Nesër nuk ka mbledhje asnjë organ i Partisë Demokratike.
Do të ketë hap ligjor për këdo që ka vendosur logon, dhe stemën e Partisë Demokratike pa leje.
Ai theksoi se ka procedurë standarte për shkarkimin e Kryetarit të Partisë Demokratike, asnjë kërkesë zyrtare nuk është bere.
Doktor Berisha po përpiqet të përqajë Partinë Demokratike, zyrat dhe ambjentet e saj janë të të gjithë demokratëve.
E ftoj Berishën të marrë pjesë në kuvendin e Partisë Demokratike në datë 18 dhjetor.
Ndërkohë Ina Zhupa po lexon një për një të gjithë emrat dhe formularët e plotësuar nga delegatët e kuvendit të Partisë Demokratike që do të mbidhet në datë 18 dhjetor.