Sekretari i Përgjithshëm i PD, njëherësh drejtuesi Politik për Qarkun e Elbasanit, Gazment Bardhi u shpreh në një intervistë me Adi Krastën, se është një moment unik ky aktuali, ku nevoja për ndryshim që shprehin njerëzit bashkohet dhe shkrimet me platformën dhe angazhimin e PD për ta sjellë këtë ndryshim.
I pyetur për këto ditë në fushatën në Elbasan, për ndjesitë dhe për këtë përvojë, Bardhi tha se ka patur jo pak trishtim, kur ka parë gjendjen e rëndë të varfërisë kudo, në qytet dhe në fshat.
Sekretari i Përgjithsmë i PD u shpreh se përveç rrotacionit, me 25 prill do të ndodhë një përmbysje modeli. Do të bjerë modeli i keqqeverisjes që instaloi Rama, dhe një tjetër do të vijë në fuqi. Ajo e përgjegjshmërisë, llogaridhënies, dhe mbajtjes së premtimeve.
Bardhi u shpreh se një nga gjërat që kërkojnë më shumë njerëzit gjatë takimeve në Elbasan, është mbajtja e fjalës, e angazhimeve për të cilat dikush kërkon besimin dhe votën e qytetarëve.
