Drejtuesi Politik i PD për Elbasanin, Gazment Bardhi u shpreh në Euronews Albania se qeveria në 8 vite në këtë qark ka favorizuar një grusht njerëzish dhe oligarkësh.
Ai solli shembullin e biznesmenit mik të Ramës dhe Balles, Gjerg Luca që ka privatizuar çdo objekt që ka dëshiruar në Elbasan.
Numri 2 i PD bëri një denoncim publik për herë të parë, kur tha se Edi Rama ka qënë i pranishëm dhe ka inauguruar një ndërtim pa leje të Lucës në Prrenjas.
Sipas Bardhit ndërtimi pa leje është vepër e rëndë penale.
Ai tha se dosja është në prokurori por nuk ecet përpara me të për shkak të presionit të qeverisë.
Bardhi pohoi se ajo dosje nuk do të mund të mbyllet dhe do të ketë drejtësi pas 25 Prillit.
