Kreu i PD, Lulzim Basha, i ftuar në emisionin ‘Tempora’, tha se plani i propozuar nga PD, bazohet në praktikat më të mira europiane.
Basha tha se PD ka propozuar që të kemi të paktën 2500 testime për koronavirusin, ndërsa tha se këto testime nuk bëhen qëllimisht nga qeveria.
Kreu i PD, theksoi se nuk po jepen paratë për testime, për bonusin e mjekëve, për bonusin e famshëm ndaj qytetarëve.
Lideri demokrat, tha se denoncime PD-ja ka bërë boll, por drejtësia duhet të veprojë.
“Puna është kujt do ja bësh denoncimet, drejtësia nuk po hap gojën për krime shumë më të rënda se kjo.”-tha Basha.
Kreu i PD shtoi se ka më shumë se dy javë që i kërkon drejtësisë të fillojë hetimet për të parandaluar vjedhjet e mëtejshme të parave me inceneratorët.
‘Pra shkurt dhe qartë ky është një problem i krijuar vetëm nga kryeministri dhe qeveria, më kot fshihen, është dështim.’-tha Basha.
