Kryedemokrati Lulzim Basha ka kujtuar përmes një postimi në rrjetet sociale 11 vjetorin e rënies në krye të detyrës të oficerëve të Policisë së Shtetit, Fatos Xhani, Altin Dizdari, Kastriot Feskaj, dhe Sajmir Duçkollari.
Ata u vranë pasditen e 8 gushtit të vitit 2009 në Durrës, në përpjekje për të arrestuar Dritan Dajtin. Ky i fundit hapi zjarr në drejtim të policisë duke shkaktuar një masakër të vërtetë.
Basha ngre shqetësimin se po bëhen të gjitha makinacionet dhe skemat për të nxjerrë nga burgun të dënuarin përjetë, Dritan Dajti.
Postimi i Bashës në Twitter
Nderim për dëshmorët e luftës kundër krimit, oficerët e antimafias Fatos Xhani, Altin Dizdari, Kastriot Feskaj, dhe Sajmir Duçkollari. 11 vjet më parë, ata u vranë në krye të detyrës, por drejtësia akoma nuk është bërë. Dëshmorët e Atdheut po rivriten nga qeveria ortake e krimit të organizuar dhe nga drejtësia e kapur. Gjatë këtyre 7 viteve në koordinim me narkoqeverinë janë kryer të gjitha makinacionet dhe skemat për të blerë lirimin e Dritan Dajtit, vrasësit të 4 policëve. Një shoqëri ku krimi dhe qeveria bashkëjetojnë e ndajnë favore nuk mund të ketë kurrë paqe dhe zhillim. Ndarja e politikës nga krimi, dhe goditja pa mëshirë e krimit të organizuar është detyrimi ynë më i madh. Drejtësia do të bëhet! Gjaku dhe sakrifica sublime e dëshmorëve të luftës me krimin nuk do të shkojë dëm.
Nderim për dëshmorët e luftës kundër krimit, oficerët e antimafias Fatos Xhani, Altin Dizdari, Kastriot Feskaj, dhe Sajmir Duçkollari. 11 vjet më parë, ata u vranë në krye të detyrës, por drejtësia akoma nuk është bërë. Dëshmorët e Atdheut po rivriten nga qeveria ortake e krimit pic.twitter.com/FRQEz7CxAR
— Lulzim Basha (@lulzimbasha_al) August 8, 2020
