Këshilli Kombëtar i Partisë Demokratike ka miratuar në parim rregulloren e re, në të cilën ndër të tjera parashikohet zëvendësimi i anëtarëve që kryejnë mungesa, pa asnjë shkak të ligjshëm dhe pa njoftim paraprak, në tre mbledhje radhazi.
Sipas kësaj rregullorje konstatimi i mbarimit të mandatit për shkak të mungesave në mbledhje pa asnjë shkak të ligjshëm dhe pa njoftim paraprak, bëhet me vendim të Kryesisë së Partisë, pas raportimit me shkrim të Sekretarit të Përgjithshëm.
Kjo lëvizje parashikon të penalizojë të paktën 220 anëtarë të Këshillit që mbështetën Berishën dhe kanë bojkotuar mbledhjet e fundit.
Në fjalën e tij gjatë mbledhjes së sotme, Basha ka deklaruar se në mbledhjen e ardhshme të Këshillit Kombëtar, do duhet në zbatim të rregullores që të miratohet Sekretariati i Këshillit Kombëtar dhe caktimi i Departamenteve, që do ta diskutojmë bashkërisht, dhe më pas ndarjen e anëtarëve të Këshillit në Departamente
