Lulzim Basha do të mbledhë sot në orën 19:00 Kryesinë e Partisë Demokratike, për të miratuar ose jo kandidatët për zgjedhjet e 6 marsit.
Deri tani emrat për kandidatë janë caktuar nga strukturat e PD-së në rrethe, por fjalën e fundit do ta japë Kryesia.
Sipas emrave të përzgjedhur deri tani, PD do të garojë në Bashkinë Shkodër me Xhemal Bushatin, i cili më parë ka mbajtur postin e ish kryetarit të këshillit bashkiak Shkodër.
Për Bashkinë Lushnje baza e Partisë Demokratike ka propozuar emrin e Indrit Sefës, sekretarit për marrëdhëniet ligjore dhe proceset zgjedhore në PD. Edhe për Bashkinë e Vorës, PD ka propozuar Ymer Markun.
Ndërkohë më herët, baza e PD propozoi Luan Hotin në Durrës për kandidat për kryebashkiak, ndërsa në Rrogozhinë është propozuar emri i Ferdinand Saraçit.
Në Dibër është propozuar nga baza e PD, Luan Haka.
