Në një ditë të pazakontë, kur kuvendi i thirrur nga disa delegatë të Partisë Demokratike dhe ish Kryeministri Sali Berisha ka votuar për shkarkimin e Kryetarit të Partisë Demokratike Lulzim Basha, të Sekretarit të Përgjithshëm të kësaj partie, nënkryetarëve dhe të gjithë kryesisë, Lulzim Basha ka lajmëruar mbledhje urgjente të kryesisë sot në orën 18.
Më parë, në takimin me demokratët në selinë e Partisë Demokratike me rastin e 31 vjetorit të themelimit të kësaj partie, Basha theksoi se duhet t’i prijmë daljes nga tranzicioni i tejzgjatur dhe se kulti i individit s’do rikthehet më, duhet të shohim nga e ardhmja.
*****
Një mesazh për demokratët e zhgënjyer e të mërzitur me të, kryedemokrati Lulzim Basha rezervoi në fjalën e tij nga selia e PD, në eventin për 31 vjetorin e themelimit të PD.
“Shohim te rinia shpresën të ardhmen, që duhe të kishtë ardhur por u ndal prej regjimit e gavimeve tona. Te rinia, shpirti i saj i pastër, ne PD do të vendosim fatin e Shqipërisë europiane, por ne nuk mund të injorojmë se ndryshe prap do gabojmë c’ka po ndodh me një pjesë të familjes tonë politike.
Ndaj i drejtohem demokratëve të zhgënjyer, e njoh edhe e kam prekur dëshmpërimin tuaj. Kur më keni votëbesuar, jo një karrige po prirjen në betëjën për përmbysjen e një shteti që nuk ka lidhje me demokracinë dhe votën e lirë. Të një beteje ku demokratët do prinë edhe një herë me vlera e parime me motivin e vetëm për të cilën lindëm 31 vjet me parë. Interesat e tyre, janë më të shenjta. Hijet e të kaluarës s’mund t’ju turbullojnë kulti i individit s’mund të ngrihet më në asnjë formë.
Jam në mesin tuaj, jo si njeri që përpiqet të shtojë radhët, ky është përkufizimi bolshevik i udhëheqësit, por përmes parimeve, të mos bëjë atë që po tentojnë të bëjnë sot, aktorët 30-vjecar të tranzicionit sepse po e bëra edhe unë kam vënë një tjetër tullë në murin e tranzicionit. Nuk jam në mesin tuaj për të kërkuar njerëz që më ndjekin vebërisht, por jemi të gjithë udhëheqës që frymëzojnë udhëheqës. Çdo shqiptar të jetë luftëtar i vlerave dhe parimeve”, tha Basha.
