Për herë të parë në historinë e brishtë të dekokracisë shqiptare, një parti politike do të zhvillohë dy kongrese në një javë.
Në datë 11 dhjetor, Berisha dhe mbështetësit e tij mbledhin kuvendin në stadiumin Air Albania, kuvend i thirrur nga 5200 delegatë, sipas deklarimeve të organizatorëve të kuvendit.
Ndërsa në datë 18 dhjetor, kryetari i Partisë Demokratike dhe kryesia e partisë, me shumicë votash, kanë thirrur zyrtarisht kuvendin e Partisë Demokratike.
Ndërkohë që Berisha deklaron se në datë 12 dhjetor Basha nuk do të jetë më kryetar i Partisë Demokratike, ashpër është përgjigjur edhe Basha, deklarime të bëra edhe së fundmi në emisionin OPINION.
Basha e ka quajtur kuvendin e datës 11 dhjetor miting dhe e Ka ftuar Berishën të marrë pjesë në kuvendin kombëtar të Partisë Demokratike në datë 18 dhjetor.
Më parë Lulzim Basha është shprehur në media dhe rrjete sociale se:
“Kuvendi i Partisë Demokratike do të shënojë një pikë kthese pas 31 vitesh tranzicion.
Më 18Dhjetor, ne do të zgjedhim të ardhmen, duke mishëruar shpresat më të mira të njerëzve, për të ripërtërirë besimin te politika, si mjet për ndryshimin e Shqipërisë.
Interesi i një njeriu nuk mund të mbizotërojë mbi interesat e demokratëve dhe shqiptarëve që kërkojnë ndryshim.
Partia Demokratike është e vetmja shpresë për një të ardhme më të mirë për Shqipërinë.
#NjëPartiNjëKuvend #18Dhjetor
