Kreu i Partisë Demokratrike Lulzim Basha ka vijuar me takimet në kuadër të garës së brendshme në selinë blu.
Basha ka kërkuar mbështetjen nga demokratët e Peqinit dhe Paskuqanit për t’i besuar drejtimin e PD-së edhe në katër vitet e ardhshme.
Basha theksoi edhe njëherë se në 25 prill ra demokracia. Kreu i demokratëve tha se të dielën e 13 qershorit duhet të tregojnë se nuk dorëzohen.
“Kam refuzuar dhe refuzoj ta përdor këtë garë të brendshme për asgjë tjetër përveçse për t’u bërë bashkë me ju dhe për t’u mobilizuar të gjithë së bashku edhe një herë betejën që është e vetmja rrugë për t’u përballur dhe për të çmontuar regjimin që kemi përballë,” deklaroi Basha, ndërsa theksoi se qëllimi final është largimi i Edi Ramës.
Një mesazh pati edhe për kritikët e tij. “Kush e mohon masakrën e 25 prillit, për fat të keq i bie me shkelm kësaj sakrifice,” tha Basha.
