Aktualitet

Basha me biznesin e vogël në Durrës: Një çek prej 1000 eurosh, ndihmë për mbijetesë




Bëni LIKE faqen zyrtare në Facebook
               Publikuar në : 10:00 - 01/10/20 |
mapo.al

Kryetari i Partisë Demokratike, Lulzim Basha shpjegoi paraditen e sotme planin me 5 pika të PD-së për të përballuar pasojat e pandemisë Covid-19 deri në fillim të prillit.


Në takim me bizneset e vogla në Durrës, Basha paralajmëroi se rënia ekonomike do të thellohet në tetor-nëntor, dhe se pikërisht për këtë arsye duhet zbatuar plani i opozitës, konkretisht ofrimi i ndihmës për bizneset e vogla aktive me një çek prej 1000 eurosh.


Sipas kryedemokratit, nuk bëhet fjala për luks, por për bukën e gojës së qytetarëve.  “Lërja shqiptarëve a të besojnë a jo -iu drejtua Basha kreut të qeverisë- po tani dili përpara biznesit të vogël me një çek për ta ndihmuar.”



“Është plotësisht e mundur. Po të heqim dorë nga çdo shpenzim tjetër, edhe qytetarëve u jep një injeksion të vogël, se u janë zbrazur xhepat. Nuk bëhet fjalë për çfarë ka ndodhur dhe çfarë do të bësh ti pas një viti, por të paktën t’u hiqen disa shpenzime shtesë“, vijoi Basha.


Basha gjithashtu shpjegoi se plani i Partisë Demokratike për pandeminë nuk ka lidhje me zgjedhjet dhe s’është shpikje, pasi po e zbatojnë edhe vende të rajonit si Kosova e Maqedonia.


*****

Plani me 5 pika i Partisë Demokratike, për rimëkëmbjen e ekonomisë;

Pika e parë e planit

1. Mbështetje dhe përgatitje e sistemit shëndetësor: Përgatitja për një shpërthim tjetër të infeksionit të COVID-19, duke:
a)Rritur numrin e testimeve për COVID në 2500 testime në ditë.
b)Rimbursim i plotë për marrjen e mjekimit ambulator kundër COVID.
c)Sigurimin e pajisjeve mbrojtëse për të gjithë personelin shëndetësor dhe rritjen e kapaciteteve spitalore.
d)Bonus 1000 Euro për çdo mjek dhe 500 euro për çdo infermier për 6 muajt e ardhshëm.

Pika e dytë e planit

2. Fëmijët tanë të arsimohen të sigurtë: Të garantojmë që fëmijët dhe mësuesit në shkollë të jenë të sigurtë, duke:

a)Përmirësuar kushtet sanitare në shkolla duke përfshirë furnizimin me ujë, pajisjen me maska mbrojtëse dhe dezinfektimin e rregullt të ambienteve mësimore.
b)Kryer testimin periodik për mësuesit dhe stafin ndihmës.
c)Investuar në teknologji për rastet kur mund të aplikohet mësimi në distancë, përfshirë ndihmën për familjet me të ardhura të ulta për të blerë tableta për fëmijët e tyre, në mënyrë që edhe ata të përfitojnë nga mësimi në distancë.

Pika e tretë e planit

3. Asnjë shqiptar të mos lihet pas dore:
a)Të mbështesim ata që kanë humbur vendin e punës. Çdo individ që ka humbur vendin e punës nga pandemia gjatë këtij viti, të përfitojë një çek mujor prej 16 mijë lekë të reja në muaj, përvec pagesës ligjore për papunësinë, për një periudhë prej 6 muajsh.
b)Krijimi i një Fondi të Punësimit për të mbështetur bizneset për të rimarrë në punë të larguarit gjatë pandemisë, duke i alokuar cdo punëdhënësi që rimerr në punë një individ që ka humbur vendin e punës prej pandemisë, një shumë mujore prej 20 mijë lekë të reja në muaj për një periudhe prej 6 muaj.
c)Dyfishimi i ndihmës ekonomike për çdo familje që trajtohet me ndihmë ekonomike.
d)Çdo pensionist të përfitojë një çek mujor prej 2 mijë lekë të reja në muaj për përballimin e kostove shtesë të pandemisë, për 6 muaj.

Pika e katërt e planit

4. Ndihmë për biznesin e vogël: Mbështetje e drejtpërdrejtë për të gjitha bizneset e vogla të prekura nga pandemia. Çek prej 1000 euro për çdo biznes të vogël aktiv.

Pika e pestë e planit

Mbështetje për biznesin prodhues dhe punëdhënësit e mëdhenj:
a)Për 6 muajt e ardhshëm, subvencionim i 50% të qirasë për ambjentet e punës ose heqje e taksës së pronës për bizneset pronare të ambjenteve të punës.
b)Shtrirja në kohë dhe rikonceptimi i kritereve të përfitimit nga të dy skemat e garancisë sovrane, për ta bërë më të aksesueshme dhe të përballueshme kredimarrjen nga biznesi. Përcaktimi i një tavani prej 2% të normës së interesit për biznesin, duke subvencionuar çdo përqindje mbi këtë vlerë në kredimarrjen për investime dhe shpenzime operative.

 


Etiketa: , , , , ,

CLOSE
CLOSE
Pas