Kreu i Partisë Demokratike, Lulzim Basha thotë se një prej aksionerëve të rëndësishëm të lojërave të fatit, “APEX” në Shqipëri, ka shitur aksionet te austriakët katër muaj më parë.
Sipas Bashës bëhet fjalë për një mik të afërt të Edi Ramës, që është informuar nga kryeministri për aksionin e mbylljes së pikave të basteve.
Basha tha në emisionin “Opinion” se ky person, pasi ka shitur aksionet e “APEX” ka marrë leje ndërtimi te Kulla e Sahatit në Tiranë, ku ka spostuar ish mikun e Edi Ramës, Ilir Matën, si dhe po ndërton dy kulla te zona e ish-Bllokut.
Deklarata e Bashës:
Personat e lidhur me këtë koncesion, siç thonë edhe vetë që s’na e prish njeri, zinxhiri të çon te vëllai i Edi Ramës. Ndërkohë e njëjta gjë që ka ndodhur katër vite më parë në Tiranën e Re ku u vra ai që kishte shitur lojërat e fatit pak kohë para askionit, e njëjta gjë po ndodh edhe sot.
Një nga aksionerët kryesorë të APEX-it, njeri shumë i afërt i Edi Ramës, ka shitur katër muaj më parë aksionet te austriakët. Pse them njeri shumë i afërt i Edi Ramës, çuditërisht ky njeri po merr lejen e ndërtimit të Sahati, dhe po ia merr ish mikut të Edi Ramës, Ilir Matës. Do ndërtojë ai librin te kulla e Sahatit dhe po ndërton dy kulla te Blloku.
Personi që ka shitur aksionet e APEX-it, pasi e ka informuar padroni që do bëj këtë. Ka shitur aksionet dhe me paratë e pista ka spostuar ish mikin e Edi Ramës Ilir Matën, dhe po ndërton kullat.
