Kreu i PD Lulzim Basha gjatë fjalimit të tij në foltoren e Kuvendit është shprehur se raporti i OSBE/ODIHR, konfirmon masakrën zgjedhore të 25 prillit nga qeveria.
Më tej ai shprehet se imponimi i një realiteti të rremë nuk zgjidh asgjë për shqiptarët, problemet e të cilëve janë dhe do të jenë po ato që kanë pasur para masakrës zgjedhore.
Basha tha se për sa kohë ata që kanë prodhuar këtë gjendje ekonomike, politike dhe sociale, ndalën dhunshëm ndryshimin pasi kështu vdesin demokracitë dhe kështu humbet Shqipëria dhe fiton autoritarizmi.
Më tej Basha theksoi se pasojat i kanë vuajtur shqiptarët dhe i vuajnë në lëkurën e tyre. “Pyetja që ngrihet është ku i gjetët votat? Dhe përgjigja e menjëhershme vjen prej një tjetër raporti ndërkombëtar, atij të OSBE/ODIHR, i cili konfirmon masakrën zgjedhore.” – tha Basha në Kuvend.
“E keni lexuar apo jo? Ngjan si pika uji me raportin e Bjellorusisë së Lukashenkos. Mjafton kjo fjali që rëndon si gur varri mbi zgjedhjet e vrara. Kjo, të dashur bashkëqytetarë, është vetëm ajo që vëzhguesit e huaj kanë konstatuar për masakrën zgjedhore të 25 prillit. Por ju e dini mirë se ajo ishte shumë më shumë se kaq, ndaj dhe ndërthurja e partisë, krimit dhe oligarkisë, e kanë deligjitimuar rezultatin e një procesi zgjedhor që nuk kishte lidhje me demokracinë dhe është i papranueshëm për një vend anëtar të NATO-s dhe pretendent për anëtarësimin në Bashkimin Europian. Ndaj edhe imponimi i një realiteti të rremë nuk zgjidh asgjë për shqiptarët, problemet e të cilëve janë dhe do të jenë po ato që kanë pasur para masakrës zgjedhore, për sa kohë ata që kanë prodhuar këtë gjendje ekonomike, politike dhe sociale, ndalën dhunshëm ndryshimin. Kështu vdesin demokracitë. Kështu humbet Shqipëria dhe fiton autoritarizmi!”- tha Basha.
LEXO EDHE:
Basha nga Kuvendi: Demokracia shqiptare ka vdekur, ekzekutori është Rama
