Aktualitet

Basha në Pukë: Qeveria do jetë e juaja, hapjani zemrën ndryshimit më 25 prill














Bëni LIKE faqen zyrtare në Facebook
               Publikuar në : 16:22 - 18/04/21 |
mapo.al

Kreu i Partisë Demokratike, Lulzim Basha, ndalesën e radhës e pati në qytetin e Pukës. Në fjalën përshëndetëse, lideri i opozitës tha se 25 prilli është dita e shqiptarëve, nuk është dita e asnjë politikani dhe e asnjë partie politike






Kryedemokrati gjithashtu tha se këto zgjedhje janë më vendimtaret në histori dhe se vota për numrin 9 është për të çliruar Pukën, për t’i çliruar familjet shqiptare nga ankthi, nga stresi, nga varfëria, për të kthyer përsëri gëzimin në sytë e prindërve shqiptarë.


Më tej, kryedemokrati Basha theksoi se siç e bënë Shqipërinë anëtare të NATO-s, do ta bëjë edhe pjesë të BE-së. Basha tha se s’ka forcë që i ndal shqiptarët për të votuar masivisht për ndryshimin më 25 prill.







“25 prilli është dita kur Puka dhe Shqipëria do të vendosin edhe katër vjet të tjera dështime me një qeveri dhe një kryeministër që punon vetëm për veten e tij apo t’ja hapni më derën dështimit? A do të pranoni edhe 4 vjet të tjera dështimin në vatrat tuaja? Në familjet tuaja? T’ju marrë peng fëmijët tuaj.




Hapjani pra atëherë zemrat ndryshimit që do të sjellim të gjithë së bashku. Masivisht në kutitë e votimit. Fuqia e votës kjo është. Secili një votë dhe çdo votë ka rëndësi, siç e tha një djalë trim që i doli përpara hijeve të shantazheve që i pret ligji me dorën e hekurt pas 25 prillit.

Një plumb mund ta ndalë një jetë por 100 vota mund ta ndalin një vend dhe të shkatërrojnë mijëra familje, nëse blihen, nëse shiten, nëse nuk hidhen aty ku i duan fëmijët tanë, aty ku i do rinia jonë, aty ku i duan prindërit tanë, për ndryshim, për numrin 9. Dhe kështu do të jetë, kështu do të jetë.

Kështu kanë vendosur shqiptarët dhe do ta bëjnë realitet dhe nuk ka forcë ta ndalë nga jugu në veri, nga Saranda në Tropojë, nga Korça Në Durrës. 25 prilli është dita juaj, është festa e çlirimit të Pukës, është festa e demokracisë. Pas kësaj, do të jemi prapë bashkë në një rrugë plot sfida, po ku ju garantoj, një, se do jem kryeministri i të gjithë shqiptarëve dhe dy, se qeveria shqiptare do të jetë qeveria e njerëzve dhe për njerëzit.”-tha Basha.

<
>
735fb5e8-5520-4def-a349-b3120431f8bb 87e9414b-7e1a-4f92-84f0-62bfdfa88de2 feb61a50-375a-453c-94e4-78b7f21ee9c7
1


Etiketa: , , ,

CLOSE
CLOSE
Pas