Aktualitet

Basha paralajmëron Flamur Nokën me përjashtim, e shkarkon nga…














Bëni LIKE faqen zyrtare në Facebook
               Publikuar në : 01:15 - 12/10/21 |
mapo.al

Kryetari i Partisë Demokratike, Lulzim Basha pas debateve brenda grupit ka njoftuar shkarkimin e deputetit Flamur Noka nga funksioni i Nënkryetarit të Komisionit të Sigurisë.






Basha gjithashtu ka paralajmëruar përjashtimin e tij nga Grupi Parlamentar i PD-së. Në deklaratë, si arsye të këtij vendimi cilësohen “gënjeshtrat për të baltosur kryetarin dhe Partinë Demokratike duke sajuar diskutime apo qëndrime, të pathëna dhe të paqena.”


“Arsyeja e këtij vendimi është shndërrimi i mbledhjes së Kryesisë së Grupit në laborator të prodhimit të gënjeshtrave për të baltosur Kryetarin dhe Partinë Demokratike, duke sajuar diskutime apo qëndrime, të pathëna dhe të paqena. Këto shpifje dhe sajesa të herëpashershme dhe të përsëritura, dëmtojnë interesin e Partisë Demokratike dhe të demokratëve, duke shfokusuar vëmendjen e betejës së opozitës ndaj të vetmit kundërshtar që është armiku i Shqipërisë dhe shqiptarëve Edi Rama,” thuhet në deklaratën e DP-së.







Ditën e sotme Flamur Noka, pas mbledhjes në selinë e PD-së, ka akuzuar Bashën se ka ofenduar bazën me fjalën “llum”.

Lexo edhe :  8 Dhjetori/ Berisha te busti i Azemit: Basha tradhtoi demokracinë



Ai theksoi se këtë fjalor ndaj demokratëve nuk e ka pasur as Rama e as Nano.



“Jam këtu për të dënuar poshtërimin që z. Basha bëri mbrëmë në mbledhjen e kryesisë së grupit parlamentar i bëri anëtarësisë duke i quajtur ‘Llum’. Askush nuk ka guxuar ta quajë ‘Llum’ bazën e Partisë Demokratike as kundërshtarët e saj më të mëdhenj” tha ai në një prononcim për median nga selia e PD-së.

Noka shkoi më tej kur kërkoi dorëheqjen e kryetarit të partisë.

“Dorëheqja duhet të jetë e vetmja zgjidhje për ta bashkuar këtë forcë.”

Noka nënvizon më tej se Bashës i dhimbset më shumë karrigia e tij dhe se ‘Foltorja’ është e vetmja zgjidhje për demokratët shqiptarë. Në grupin parlamentar deputetët e PD ranë dakord për të ngritur tre komisione hetimore, atë për arbitrazhin 120 milionë euro të fituar nga Becheti, inceneratorët dhe zgjedhjet e 25 prillit.

1


Etiketa: ,

Pas