Kryesore

Basha: PD do të përfaqësohet në përballjen e ardhshme elektorale nga elita e saj politike








Bëni LIKE faqen zyrtare në Facebook
               Publikuar në : 14:21 - 04/08/20 |
mapo.al

Kryetari i PD, Lulzim Basha ka takuar sot anëtarët e Komisionit të Vlerësimit të Kandidaturave, një ditë pasi ky instrument u ngrit me vendimin e Kryesisë së PD.


Në takim kanë marrë pjesë ish-presidenti Bujar Nishani, ish-ministrat Besnik Mustafaj dhe Genc Ruli, Mark Marku ish-deputet si dhe Enriketa Papa, pedagoge në Universitetin e Tiranës.


Në një postim në rrjetet sociale, Basha ka përcjellë detaje nga takimi duke theksuar se PD do të përfaqësohet në përballjen e ardhshme elektorale nga elita e saj politike si dhe personalitete të jetës akademike dhe politike.


<
>
Basha me komisionin e vleresimit te kandidaturave Basha me komisionin Basha me komisionin1 Basha me komisionin2

Postimi i Bashës
Në ditën e parë të punës së Komisionit të Vlerësimit të Kandidaturave, i shpreha anëtarëve të tij, Bujar Nishanit, Besnik Mustafajit, Genc Rulit, Enriketa Papës dhe Mark Markut, vlerësimin për angazhimin në këtë proces risi të politikës shqiptare.


PD do të përfaqësohet në përballjen e ardhshme elektorale nga elita e saj politike, si dhe nga personalitete të shquara të jetës akademike dhe publike. Nisja e punës nga Komisioni i Vlerësimit të kandidaturave është vetëm faza e parë e seleksionimit të kandidatëve për zgjedhjet e ardhshme.

Ky është momenti të shpreh mirënjohjen për çdo anëtar të Partisë Demokratike, që kontribuoi në këtë proces të propozimit të kandidatëve, duke evidentuar më të mirët e më të mirëve, të cilët përbëjnë një korpus të rëndësishëm për administrimin e qeverisjes që shqiptarët do t’i besojnë PD-së dhe aleatëve të saj.

Mirënjohje për Institutin Republikan Amerikan IRI, konservatorët britanikë, CDU dhe Fondacionin Konrad Adenauer, si dhe familjen tonë të madhe politike, Partinë Popullore Europiane – PPE, që na kanë mbështetur dhe vazhdojnë të na asistojnë në këtë proces dhe inkurajojnë që ai të ndiqet si model i demokratizimit të forcave politike, në Shqipëri dhe në gjithë Rajonin.

Përzgjedhja e kandidaturave për zgjedhjet e ardhshme do të jetë epoka e re në demokratizimin e partive politike shqiptare. Modeli ynë, ku zëri i anëtarësisë dëgjohet në përzgjedhjen e përfaqësuesve në parlamentin e ardhshëm dhe drejtuesve në nivel vendor dhe qëndror, do të jetë dhe modeli për qeverisjen e ardhshme, ku zëri i qytetarëve do të jetë parësor në vendimmarrjet për Shqipërinë, për shqiptarët, për zhvillim dhe punësim, si prioritet kryesor i imi dhe i PD.

Me modelin më të mirë të përzgjedhjes së kandidaturave, me programin shpresëdhënës dhe angazhimin tonë të plotë dhe serioz, motorrët e ndezur të fushatës sonë po çojnë përpara çdo ditë e më shumë procesin e pashmangshëm të rrotacionit politik.

LEXO EDHE: 

Komisioni i Vlerësimit të Kandidatëve takim me Bashën, Ruli dhe Mustafaj: PD do të fitojë zgjedhjet


Etiketa: , ,

Pas