Ndërsa Berisha dhe Komisioni i Rithemelimit i kanë lënë afat deri në datë 5 janar Kryetarit të Partisë Demokratike Lulzim Basha për të dalë nga zyra, duket se nga selia zyrtare po merren masa për të ruajtur Partinë Demokratike, siç shprehen ata.
Dyer të blinduara, pamja e jashtme e selisë e rinovuar dhe mbuluar me logo të reja, duket si përgjigje e qartë nga selia zyrtare.
Jo vetëm kaq, por Basha është shprehur se Berisha me trafikantët e drogës duan të sulmojnë Partinë Demokratike.
Sot edhe Edi Paloka i bëri thirrje Lulzim Bashës për një qasje ndryshe, për gjetjen e një rruge të ndërmjetme, gjithëpërfshirëse, duke e quajtur një thirrje dhe propozim të fundit për Lulzim Bashën.
Basha ka zgjedhur që gjithë këtyre t’ju përgjigjet edhe një herë me një status në rrjetet sociale:
“Hera e parë në historinë e Shqipërisë që një politikan i lartë shpallet i padëshiruar nga SHBA, dhe po hera e parë në Shqipëri që ai thërret një protestë kundër partisë së tij – Partisë Demokratike, me motivin pse ajo nuk kthehet në bunker ku ai mund të “strehohet” për tu mbrojtur.”
