Lideri demokrat, Lulzim Basha zhviloi sot një tur në Malësinë e Madhe dhe në Bashkinë e Shkodrës. Pasdite ai zhvilloi një takim të hapur në shesh me studente por edhe të rinj të shkolluar jashtë vendit. Basha bëri të ditur ofertën që ka PD për studentët kur të vijë në pushtet.
“Të gjithë studentët shqiptarë, shkodranë e në mbarë vendin, që vijnë nga familje me më pak të ardhura se sa 640 mijë lekë të vjetra në muaj, do të paguajnë zero tarifë, për bachelor dhe master”, tha ia.
Më tej u shpreh: “Të gjithë studentët që do të vijnë nga familje me mbi 640 mijë lekë të ardhura në muaj, do të paguajnë gjysmën e tarifave aktuale. 5 mijë bursa me vlerë 2 milionë e 200 mijë lekë të vjetra në vit, për të mbështetur ata që pavarësisht prej tarifave, e kanë të pamundur të shkojnë, sepse vijnë nga familje ekstremisht të varfra, 10 mijë stazhe në vit me pagesë 300 mijë lekë të vjetra në muaj për ata që sapo diplomohen, për t’i futur në tregun e punës”.
Lideri demokrat theksoi se këto masa konkrete që do të ndërmeren sapo PD të vijë në pushtet. Po kështu premtoi financim për infrastrukturën universitare, konviktet, etj.
